कोरोना भाइरस महामारीबाट अमेरिकामा जुन महिनाको सुरुमा दैनिक ३ हजारको ज्यान जाने प्रक्षेपण ट्रम्प प्रशासनले गरेको छ।
अहिले दैनिक १ हजार ७ सय ५० को मृत्यु भइरहेको छ। यसमा ७० प्रतिशत वृद्धि हुने प्रक्षेपण गरिएको छ।
हाल अमेरिकामा हरेक दिन २५ हजार नयाँ संक्रमित फेला परिरहेका छन्। मे महिनाको अन्त्यसम्ममा यो संख्या बढेर प्रतिदिन २ लाख पुग्ने अनुमान गरिएको छ।
महामारी रोक्न गत ७ हप्तादेखि अमेरिकामा लकडाउन गरिएको छ। अब आर्थिक गतिविधि सुरु गर्ने तयारी थालिएको छ। सो अवस्थामा मृतक र संक्रमितको संख्या बढ्न सक्ने अनुमान गरिएको हो।
युनिभर्सिटी अफ वासिङ्टनस्थित द इन्स्टिच्युट फर हेल्थ मेट्रिक्स एन्ड इभ्यालुएसनका अनुसार अगस्टसम्ममा अमेरिकामा १ लाख ३५ हजारको ज्यान जानेछ। हालसम्म ६८ हजारको मृत्यु भइसकेको छ। द न्युयोर्क टाइम्स
प्रतिक्रिया