जनकपुरमा २६ वर्षीया आरती साहमाथि एसिड आक्रमण गर्ने उनकै श्रीमान् भएको पुष्टि भएको छ।
आरतीमाथि एसिड आक्रमण गरेको आरोपमा प्रहरीले उनकै पति जनकपुरधाम उपमहानगरपालिका-२०, देवपुरारुपैठा बस्ने २७ वर्षीय सञ्जीव साहलाई पक्राउ गरेको छ। घटनाको केही घण्टामै उनलाई प्रहरीले पक्राउ गरेको हो।
शनिबार बिहान जनकपुरधाम उपमहानगरपालिका ७ जानकी नगरका सुवोध साहकी छोरी आरतीमाथि एसिड आक्रमण भएको थियो। एसिड प्रहारबाट आरतीको निधार र छातीको केही भाग जलेको छ। उनको अहिले उपचार जानकी हेल्थकेयरमा भइरहेको छ।
आरतीको बिहे ३ वर्षअघि सञ्जीव भएको थियो। श्रीमानसँग राम्रो सम्बन्ध नभएका कारण उनी माइतमा बसेर जनकपुरकै पेठिया बजारमा तरकारी व्यवसाय गर्दै आएकी थिइन्।
श्रीमान् र श्रीमतीबीच खराब सम्बन्धको कारण एसिड प्रहार गरेको प्रहरीको आशंका छ।
पक्राउ परेका सञ्जीवलाई केही बेरमा सार्वजनिक गर्ने धनुषाका प्रहरी उपरीक्षक रामेश बस्नेतले जानकारी दिए।
प्रतिक्रिया