१३औं दक्षिण एसियाली खेलकुद प्रतियोगिता (साग)अन्तर्गत भलिबल प्रतियाेगिताहरू आज (बुधबार) सुरु हुँदै छन्।
सागको औपचारिक उद्घाटन मंसिर १५ गते हुने भए पनि महिला र पुरुष भलिबल खेलहरू आजै सुरु हुन लागेका हुन्।
नेपालको पुरुष र महिला टिम आजै समूह चरणका पहिलो खेलका लागि कोर्टमा उत्रिँदै छन्।
उद्घाटन खेलमा महिला भलिबल टोलीले बंगलादेशसँग प्रतिस्पर्धा गर्नेछ। त्रिपुरेश्वरस्थित राखेप कभर्ड हलमा हुने खेलमा दिउँसो ३ बजे नेपाल र बंगलादेशबीच खेल हुनेछ।
यस्तै आजै साँझ ७ बजे नेपालको पुरुष टोलीले पनि बंगलादेशसँग पहिलो खेल खेल्नेछ।
पुरुष भलिबल टिम समेत बंगलादेश र भारत रहेको समूहमा छ। अघिल्लो चरण प्रवेशको सम्भावना कायम राख्न पुरुष टिमलाई जित निकाल्न आवश्यक छ।
प्रतिक्रिया