त्रिकोणात्मक सिरिजका लागि रोहित पौडेलको कप्तानीमा टोली घोषणा

घरेलु मैदानमा हुने युएई र हङकङ सम्मिलित त्रिकोणात्मक सिरिजका लागि रोहित पौडेलको कप्तानीमा टोली घोषणा भएको छ।

नेपाल क्रिकेट संघ (क्यान) ले सोमबार १८ सदस्यीय टोलीको घोषणा गरेको हो।

नेपालले पर्सि बुधबार युएईसँग खेल्दै सिरिजको सुरुआत गर्दैछ। दोस्रो खेलमा बिहीबार हङकङसँग खेल्नेछ। शनिबार पुनः हङकङसँग खेल्ने नेपालले सोमबार युएईसँग खेल्नेछ।
शीर्ष दुईमा रहने टोलीले आगामी शुक्रबार फाइनल खेल्नेछन्।

त्रिकोणात्मक सिरिजपछि नेपालले घरेलु मैदानमा हुने आईसीसी टि–२० विश्वकप एसिया क्षेत्र छनोट खेल्नेछ। विश्वकप छनोटका लागि नेपालले घरेलु मैदानमा त्रिकोणात्मक सिरिज खेल्न लागेको हो।

त्रिकोणात्मक सिरिजमा नेपाल ओमान, मलेसिया र सिंगापुर रहेको समूह ए मा छ। समूह बी मा कुवेत, बहराइन, युएई र हङकङ छन्।