युनिकोड
टी-२० आई त्रिकोणात्मक सिरिज अन्तर्गत नेदरल्यान्ड्सले दिएको १२१ रनको लक्ष्य पछ्याएको नेपाल जितनजिक पुगेको छ।
नेपालले १४ ओभर खेल्दै ११३ रन बनाएको अवस्थामा चौथो क्रमका गुलशन झा ३८ रन बनाएर आउट भए। उनी बोल्ड भएका हुन्।
उनी आउट भएपछि अहिले क्रिजमा दीपेन्द्रसिंह एरी आएका छन्। उनीसँ कप्तान रोहित पौडेल ४४ रनसहित क्रिजमा छन्।
नेपालले यसअघि एकै ओभरमा दुवै ओपनर गुमाएको थियो।
नेपालका लागि ओपनिङमा आएका कुशल भुर्तेल तेस्रो ओभरको तेस्रो बलमा १२ रन बनाउँदै क्याच आउट भए।
त्यसपछि तेस्रो ओभरको पाँचौँ बलमा अर्का ओपनर आशिफ शेख पनि केबल ८ रनमै बोल्ड आउट भए।
त्यसअघि कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको नेदरल्यान्ड्स ३ बल अगावै १ सय २० रन बनाउँदा अलआउट भयो।
प्रतिक्रिया