युनिकोड
सरकारले भूकम्प प्रभावित जिल्ला जाजरकोट र रुकुम पश्चिममा घाइतेको उपचारको लागि विशेषज्ञ चिकित्सकसहितको ४१ जना स्वास्थ्यकर्मीको टोली पठाएको छ।
स्वास्थ्य तथा जनसङ्ख्या मन्त्रालयका प्रवक्ता डा.प्रकाश बुढाथोकीले आज बिहान चिकित्सकको टोली त्यसतर्फ गएको जानकारी दिए।
चिकित्सक टोली जिल्ला अस्पतालमै घाइतेको शल्यक्रिया गर्ने व्यवस्थासहित गएको बुढाथोकीले जानकारी दिए। आवश्यकअनुसार केन्द्रबाट थप जनशक्ति प्रभावित क्षेत्रमा पठाइने स्वास्थ्य मन्त्रालयले जनाएको छ।
गए राति जाजरकोट र पश्चिम रुकुममा ६ दशमलव ४ म्याग्निच्युडको भूकम्पले गएको थियो। भूकम्पबाट ठूलो मानवीय र भौतिक क्षति भएको छ।
प्रतिक्रिया