कीर्तिपुर र मूलपानी रंगशालामा वर्ल्डलिंकले १०० एमबीपीएस डेडिकेटेड इन्टरनेट प्रदान गर्ने

तीन वर्षका लागि भएको  सम्झौताको अवधि दुवै पक्षबीचको आपसी समझदारीमा थप समयका लागि विस्तार हुन सक्नेछ। 

समझदारीपत्रमा हस्ताक्षरका लागि आयोजित कार्यक्रममा कम्पनीका सीईओ नेपालले वर्ल्डलिंक देशको सबैभन्दा ठूलो इन्टरनेट सेवा प्रदायक भएकोले पनि देशको खेललाई विस्तार तथा प्रवर्द्धन गर्नु आफूहरूको जिम्मेवारी भएको बताए। 

‘हामीले देशका दुर्गम स्थानहरूमा पनि सेवा उपलब्ध गराइरहेका छौँ। पछिल्लो समय खेलमा पनि नेपालले प्रगति गरिरहेको छ। यसलाई देशका हरेक कुना-कुनासम्म पुर्‍याउनु हाम्रो दायित्व हो। यही कुरालाई मनन गर्दै हामीले खेल प्रवर्द्धनमा सहयोग गरेका हौँ’, उनले भने।

सम्झौताअनुसार मूलपानी र कीर्तिपुर क्रिकेट मैदानमा वर्ल्डलिंकले वैकल्पिक अप्टिकल फाइबर केबलसहित ४० एमबीपीएस गतिको डेडिकेटेड इन्टरनेट सुविधा उपलब्ध गराउनेछ। यससँगै जारी एसीसी क्रिकेट कप अवधिभरका लागि दुवै स्थानमा १०० एमबीपीएसको डेडिकेटेड इन्टरनेट जडान गरिएको कम्पनीले जनाएको छ।

वर्ल्डलिंकका नेपालमा ७ लाख ५० हजार बढी ग्राहक छन्।